AK Extreme

Big jump í gilinu

Uppáhaldshátíðin mín er að ganga í garð núna um helgina, en það er snjóbretta og tónlistarhátíðin AK Extreme sem verður haldin 12.-15. apríl hérna á Akureyri. Þetta er í sjötta sinn sem keppnin er haldin, en hún hefur verið haldin með hléum síðan 2002.

Það var ákveðið að tjalda öllu til í fyrra og AK Extreme 2011 varð að veruleika. Þá var líka ákveðið að efla tónleikadagskrána. Þess vegna hefur AK Extreme ákveðið að ganga enn lengra í ár og er boðið upp á tónleikadagskrá á þremur skemmtistöðum í miðbæ Akureyrar dagana 12., 13. og 14. apríl en þeir eru: Græni Hatturinn, Pósthúsbarinn og Kaffi Akureyri.

„Það er mikill uppgangur í snjóbrettaiðkun á íslandi og hefur landið verið að stimpla sig inn sem alvöru snjóbrettaþjóð undanfarin ár og í dag eigum við atvinnumenn í fremstu röð í sportinu,“ segir í fréttatilkynningu frá stjórnendum AK Extreme. 

AK Extreme hefur boðið 16  keppendum að taka þátt í ár og er búist við harðri keppni í „Eimskips Big Jump“-keppninni þar sem menn berjast um AK Extreme gullhringinn. Í fyrra var mjög hörð keppni og 7000 manns mættu til að horfa á keppnina. Einnig verður haldin „Burn Jib“-keppni í göngugötunni.

„Þetta er einstakur viðburður þar sem að fólk getur komið og séð bestu snjóbrettamenn landsins sýna listir sínar í bland við tónleika með helstu tónlistarmönnum landsins,“ segir í einnig fréttatilkynningu.

„Eimskips Big Jumpið“ fer fram laugardaginn 14. apríl kl. 20:00 í Gilinu og „Burn Jib“-mótið fer fram  föstudaginn 13, apríl í göngugötunni kl. 19. Báðir þessir viðburðir eru opnir fyrir alla og það er ókeypis aðgangur.

Meðal þeirra hljómsveita og tónlistarmanna sem að koma fram eru:Agent Fresco, BlazRoca, Oculus, Óli Ofur, Intro Beats, ThizOne, Eldar, The Vintage Caravan, Endless Dark, Elín Ey, Gísli Pálmi, Konni Conga, Þórunn Antónía, Emmsjé Gauti og Captain Fufanu. Þarna ætti að vera eitthvað að finna fyrir alla! 

Armband sem gildir inn á alla tónleikaviðburðina er til sölu á midi.is, og einnig er hægt að nálgast miða í Eymundsson Akureyri.


Athugasemdir

Athugasemdir eru á ábyrgð þeirra sem þær skrá. Landpósturinn áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.

Svæði

Landpóstur er fréttavefur
fjölmiðlafræðinema við Háskólann á Akureyri. 
KENNARAR OG UMSJÓNARMENN
Birgir Guðmundsson, Hjalti Þór Hreinsson, Sigrún Stefánsdóttir