Bob Dylan mætir ekki

Sænska Nóbels-akademían greindi frá því í dag að Bob Dylan hefði afboðað komu sína á verðlaunahátíðina 10. desember næstkomandi. Í tilkynningu frá nefndinni segir að hún hafi fengið bréf frá Bob Dylan í gær, þar sem fram komi að hann hafi öðrum skyldum að gegna á sama tíma. Einnig kemur fram í bréfinu að Dylan óski þess að hann gæti mætt og ítrekaði hann jafnframt að honum þætti það „ótrúlegur heiður“ að hafa hlotið verðlaunin.

Samkvæmt frétt AFP fréttaveitunnar þá sagðist Nóbels-akademían virða ákvörðun Dylans, en tók þó fram að það væri óvenjulegt að verðlaunahafar tækju ekki á móti verðlaunum sínum í Stokkhólmi.

Bob Dylan hlaut bókmenntaverðlaun Nóbels í ár fyr­ir texta­gerð, en Dyl­an er einn þekkt­asti tón­list­armaður sam­tím­ans.

Dyl­an, sem er 75 ára að aldri, er fyrsti laga­höf­und­ur­inn til þess að hljóta verðlaun­in eft­ir­sóttu. Hann fær verðlaun­in fyr­ir að hafa skapað nýja ljóðræna túlk­un inn­an banda­rísku tón­list­ar­hefðar­inn­ar.