HÍ komst á listann

Mbl greindi frá því að HÍ hefði komist á lista Times Higer Education sem var nú gefinn út í 6. skipti. Listinn er upptalning á þeim skólum heims sem skila sterkustu nemendunum út í atvinnulífið. Þetta er í fyrsta skipti sem HÍ kemst á listann og situr hann í 136. sæti af 150 skólum. 

Matið er gert á mörgum stórum, alþjóðlegum fyrirtækjum en skólinn sem trónir á toppi listans er Cali­fornia Institu­te of Technology. Matið er framkvæmt þannig að fulltrúar stórra alþjóðlegra fyrirtækja (sem eru með a.m.k 500 starfsmenn) svara tveimur könnunum. Það var þýska markaðsrann­sókna­fyr­ir­tæk­ið Trendence sem sá um framkvæmd rannsóknarinnar.

Listinn þykir vera ágætur til viðmiðunar fyrir fyrirtæki og aðra sem vilja komast að því hvaða skólar undirbúa nemendur sína vel fyrir komandi áskoranir í atvinnulífinu. 

Þó þetta sé í fyrsta sinn sem HÍ kemst á þennan ákveðna lista hefur hann verið á lista Times Higher Education yfir bestu háskóla heims frá árinu 2011 og situr hann í sæti 201-250 á þeim lista.