Heppni í óheppni

Kjarnorkusprenging
Tsutomu Yamaguchi var á viðskiptaferðalagi í Hiroshima þann sjötta ágúst árið 1945 þegar Bandaríkjamenn vörpuðu kjarnorkusprengju á borgina.

Yamaguchi brenndist illa á efri hluta líkamans og var um nóttina í Hiroshima. Daginn eftir ákvað hann að snúa aftur heim til sín. Til Nagasaki.

Þangað kom hann þrem dögum síðar þegar Bandaríkjamenn vörpuðu seinni kjarnorkusprengju sinni.

Yfirvöld í Japan haf nú staðfest opinberlega að Yamaguchi hafi lifað af báðar kjarnorkuárásirnar og er hann fyrsti þegn landsins sem hlýtur slíka staðfestingu.

Þeir sem lifðu af kjarnorkuárásirnar fá opinberan stuðning svo sem mánaðarlega peningagreiðslu og ókeypis lækniseftirlit og útfararkostnað.

Japan er eina land í heiminum sem hefur orðið fyrir kjarnorkuárásum. Um 140 þúsund manns fórust í Hiroshima og um 70 þúsund í Nagasaki.

Þeir sem lifðu af árásirnar veiktust margir vegna geislunar sem þeir urðu fyrir.

Það er náttúrlega ótrúleg óheppni að lenda í tveim kjarnorkuárásum. En það verður líka að teljast nokkur heppni að lifa þær báðar af.

Þess má einnig geta að samkvæmt veraldarvefnum wikipedia er Tsutomu Yamaguchi enn lifandi, orðinn 93 ára gamall.


http://en.wikipedia.org/wiki/Tsutomu_Yamaguchi

http://www.visir.is


Athugasemdir

Athugasemdir eru á ábyrgð þeirra sem þær skrá. Landpósturinn áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.

Svæði

Landpóstur er fréttavefur
fjölmiðlafræðinema við Háskólann á Akureyri. 
KENNARAR OG UMSJÓNARMENN
Birgir Guðmundsson, Hjalti Þór Hreinsson, Sigrún Stefánsdóttir