Rjúpnaskyttan fannst heil á húfi

Tilkynning um að maðurinn sem um ræðir væri týndur barst klukkan átta á föstudagskvöldið. Maðurinn gekk til rjúpa frá sumarhúsabyggðinni í landi Einarsstaða á Héraði, þar sem hann hafði farið frá veiðifélögum sínum og óskað var eftir aðstoð þegar hann skilaði sér ekki til byggða fyrir myrkur.

hann fannst af björgunarsveitamönnum á vélsleðum þar sem hann var á gangi með hundi sínum á austanverðum Ketilsstaðahálsi upp úr klukkan tíu í morgun, samkvæmt tilkynningu frá Landsbjörgu.

Um 440 björgunarsveitarmenn komu að leitinni og einnig var notast við þyrlu Landhelgisgæslunnar. Veður á leitarsvæðinu hefur verið afar slæmt slæmt og aðstæður reyndust erfiðar fyrir björgunarsveitarfólk.

Enn er ekki vitað hvort maðurinn hafi náð að veiða rjúpu, eða hvort ferðin reyndist fýluferð.