Flýtilyklar
Tveir Íslendingar í undanúrslitum á EM
Þeir Egill Hjördísarson og Magnús Ingi Ingvarsson eru komnir í undanúrslit á Evrópumóti áhugamanna í MMA. Magnús Ingi hefur nú unnið þrjá bardaga á jafn mörgum dögum. Hann kláraði nú síðast Rússann Ziid Sadailu með hengingu í fyrstu lotu.
Þrír aðrir Íslendingar hafa nú þegar fallið úr keppni. Björn Þorleifsson vann á frábæru rothöggi í millivigt í gær en í dag varð hann að sætta sig við tap gegn ríkjandi meistara, Rostem Akman sem vann bardagann í fyrstu lotu.
Austurríkismaðurinn Florian Aberger sigraði Hrólf Ólafsson í millivigt. Var það tæknilegt rothögg sem réði úrslitum strax í fyrstu lotu.
Dagmar Hrund Þorleifsdóttir barðist í fyrsta skiptið í MMA þegar hún mætti Anette Österberg frá Finnlandi. Kepptu þær í fluguvigt. Dagmar tapaði eftir tæknilegt rothögg frá Anette í fyrstu lotu
Magnús og Egill keppa í undanúrslitum á morgun.
Smelltu hér til að tilkynna óviðeigandi athugasemdir.
Athugasemdir