Lína Langsokkur sjötug

Í dag, 26. nóvember er Lína Langsokkur 70 ára gömul, eins og fram kemur á vef Rúv.

 Árið 1945 kom fyrsta Línu Langsokk bókin út eftir Astrid Lindgren. Hún var 37 ára gömul húsmóðir þegar fyrsta sagan kom út, en á þessum tíma voru margir sem hneyksluðust yfir þessari ólátakind sem hún Lína var.

Í gegnum þessi 70 ár hafa sögurnar um ævintýri Línu fengið að lifa og dafna. Bækurnar um Línu hafa verið þýddar á 92 tungumál, ásamt því að leikritin um Línu eru reglulega sett upp.

Í Alþýðublaðinu frá árinu 1987,er fjallað um Astrid Lindgren. Þar er barnabarn hennar að segja frá ömmu sinni, Astrid: „Þú hlýtur að skilja það, að þegar Astrid kemur í heimsókn, með klútinn um hausinn, þá er hún norn og við verðum að flýta okkur að fara í felur. Þú skilur, við vitum að hún er ekki raunveruleg norn en hún heldur sjálf að hún sé raunveruleg norn. Og þá getur þetta farið að verða hættulegt!"

Astrid Lindgren