Liverpool sótti 3 stig á Selhurst Park

Liverpool fór í heimsókn á Selhurst Park þar sem þeir mættu Crystal Palace fyrr í dag.  Leikurinn byrjaði af miklum krafti en Emre Can kom gestunum í 1-0 þegar 16 mínútur voru liðnar af leiknum.  James McArthur jafnaði hins vegar tveim mínútum síðar eftir skrautlegan varnarleik Dejan Lovren. 

Liverpool fékk hornspyrnu nokkru síðar þar sem enginn annar en Lovren skoraði og kom Liverpool aftur yfir, 2 mörk gegn 1. Crystal Palace jafnaði leikinn á 33. mínútu, en þar var að verki James McArthur með sitt annað mark.

Rétt fyrir hálfleik fékk Liverpool aftur hornspyrnu. Joel Matip skoraði þá gott mark með skall og gestirnir því 1 marki yfir í hálfleik.

Roberto Firmino skoraði eina mark seinni hálfleiks þegar Jordan Henderson átti frábæra sendingu inn fyrir vörn Crystal Palace og hann afgreiddi færið snyrtilega. 

Leiknum lauk því 4-2 fyrir Liverpool.

Manchester City, Arsenal og Liverpool hafa öll 23 stig eftir 10 umferðir og eru á toppi deildarinnar.