Finnst þér óréttlátt að láta ljúga að þér?

 Salka Sól, Jón Gnarr og Emmsjé Gauti eru á meðal landþekktra Íslendinga sem hafa tekið þátt í auglýsingaherferð UNICEF á Íslandi.

Herferðin er í formi myndbanda sem gerð voru opinber á Facebook fyrr í dag. Mælendur opna myndbönd sín á tilkynningu sem reynist svo vera lygi. Jón Gnarr ætlar að breyta nafninu sínu aftur, Salka Sól ætlar í Eurovision og Emmsjé Gauti ætlar að gefa plötuna sína frítt á meðan Vaginaboys ætla í samstarf með Justin Bieber svo eitthvað sé nefnt. í kjölfarið spyrja þau áhorfendur hvort þeim finnst óréttlátt að láta ljúga svona að sér og benda svo á hvað þeim finnst virkilega vera óréttlátt.

Söngkonunni Sölku Sól finnst óréttlátt að það eru 59 milljónir barna út um allan heim sem fá ekki að ganga í grunnskóla. Bergsteini Jónssyni, forstjóra UNICEF á Íslandi, segir óréttlátt að daglega deyja um 16 þúsund börn af ástæðum sem er svo auðveldlega hægt að koma í veg fyrir. Gauti Þeyr Másson, betur þekktur sem Emmsjé Gauti, þykir mjög óréttlátt að á þessu ári hafa yfir sjö hundruð börn drukknað á leiðinni yfir miðjarðarhafið. Halldóra Geirharðsdóttir, leikkona, finnst óréttlátt að 6.473 börn á Íslandi búi við efnislegan skort. Jón Gnarr bendir á þá óréttlátu staðreynd að helmingur íbúa Sýrlands hafi þurft að flýja heimili sín vegna stríðsátaka. Rúmlega helmingur flóttafólksins eru börn. Vaginaboys vekja síðan athygli að því að á hverjum degi eru 41 þúsund ungar stúlkur þvingaðar í hjónaband. 

Hvað finnst þér óréttlátt? 

Með því að gerast heimsforeldri tekur þú þátt í að berjast fyrir réttindum barna á heimsvísu. UNICEF er með starfsemi í yfir 190 löndum og er leiðandi í hjálparstafi fyrir börn á jörðinni. Sem heimsforeldri gætir þú bjargað barni frá vannæringu eða barnaþrælkun. Þú getur stuðlað að því að börn víðsvegar um heim fái tækifæri til að mennta sig. Með því að smella hér skráir þú þig sem heimsforeldri. Þú ræður hvort þú gefur stakan styrk eða mánaðarlegan og það er undir þér komið hvort þú gefur milljarð eða eina krónu. Hvert framlag telur!