Mickey Rooney látinn 93 ára gamall.

Mickey Rooney hóf feril sinn sem barnastjarna og spannar ferillinn tæp 90 ár. Hann var einn af síðustu eftirlifandi leikurunum sem léku í þöglu myndunum á sínum tíma en hann er titlaður í yfir 300 kvikmyndum.

Mickey Rooney og Judy Garland þegar þau léku saman í Love finds Handy Hardy árið 1938.

Rooney fæddist árið 1920 í Brooklyn og var skírður Joseph Yule Jr. Foreldrar hans voru bæði mikið sýningarfólk og aðeins nokkurra mánaða varð Rooney hluti af atriðinu þeirra. Ferillinn tók snemma á skrið og 1926 fékk hann hlutverk í sinni fyrstu kvikmynd, Not to be trusted. 1927 landaði hann aðalhlutverkinu Mickey McGuire í vinsælli stuttmyndaaseríu sem gekk til 1934. Hann tók við ýmsum hlutverkum inn á milli og lék meðal annars með Judy Garland og Clark Gable. Rooney vann nokkur verðlaun á löngum ferli sínum, meðal annars heiðursverðlaun Óskarhátíðarinnar, Emmy verðlaun og Golden Globe.

Rooney giftist 8 sinnum, eignaðist 9 börn og 19 barnabörn. Árið 1942 giftist hann aðeins 21 ára, þá óþekktri, Ava Gardner en þau skildu áður en hún varð þekkt fyrir leik. Gardner var 19 þegar þau giftu sig.

Rooney og Gardner á góðri stundu.

Hjónaband Rooney og Gardner var jafnframt fyrsta hjónaband Rooney, en það síðasta og langlífasta var með Jan Chamberlin. Þau voru þó skilin að borði og sæng þegar Rooney féll frá.

Árið 1975 frelsaðist Rooney og gekk til liðs við Church of religious science og var mjög trúaður maður allar götur síðan.

Rooney fékk á sig orð sem glaumgosi og drykkjumaður á yngri árum en vinsældir hans döluðu aldrei. Það er víst að stjarna er fallin frá.