Nř lÝkamsrŠkt ß Akureyri - Ůrekh÷llin opna­i um s.l. helgi

Sigur­ur Gestsson
Ný og stórglæsileg líkamsrækt opnaði s.l. helgi hér á Akureyri. Um er að ræða Þrekhöllina sem varð til við samruna líkamsræktarinnar Átaks og Vaxtarræktarinnar. Starfsemi Vaxtarræktarinnar hefur verið hætt, en aðstaða hennar var í kjallara Íþróttahallarinnar. Hinsvegar verður rekstri Átaks haldið áfram.
Saga þessarar nýju líkamsræktar er reyndar orðin nokkuð löng en flytja átti inn í húsið fyrir um einu og hálfu ári síðan, hinsvegar setti ástandið í þjóðfélaginu strik í reikninginn en ákveðið var að setja allt á stað í desember s.l. og opnaði stöðin eins og áður sagði s.l. helgi. Blaðamaður Landpóstsins heyrði í Sigurði Gestssyni fyrrverandi eiganda Vaxtarræktarinnar og einum af eigendum hinnar nýju Þrekhallar á dögunum og forvitnaðist eilítið um starfsemi hennar.

„Hérna verður náttúrulega allt sem tilheyrir líkamsrækt í dag,“ segir Sigurður þegar hann er spurður út í hver aðal áherslan verður í þessari nýju líkamsrækt. „Við verðum með rosalega fínan tækjasal, svo opnast mjög skemmtilegur möguleiki þar sem við tengjumst sundlauginni.“ Þetta þýðir að kort í Þrekhöllina gildir sem aðgangskort að Sundlaug Akureyrar. „Hérna verður skvass salur, hér hefur ekki verið skvass árum saman, síðan erum við líka með óráðstöfuð rými sem nokkur áhuga er á, það er allt í skoðun núna en við vitum ekki alveg lendinguna í dag,“ bætir Sigurður við.

„Ég tel að þetta verði einn fjölskylduvænast bletturinn á Akureyri,“ segir Sigurður, en á þessum bletti er líkamsræktarstöð, sundlaug, íþróttahús og fjölskyldugarður.

Athugasemdir

Athugasemdir eru ß ßbyrg­ ■eirra sem ■Šr skrß. Landpˇsturinn ßskilur sÚr ■ˇ rÚtt til a­ ey­a ummŠlum sem metin ver­a sem Šrumei­andi e­a ˇsŠmileg.
Smelltu hÚr til a­ tilkynna ˇvi­eigandi athugasemdir.

SvŠ­i

Landpˇstur er frÚttavefur
fj÷lmi­lafrŠ­inema vi­ Hßskˇlann ß Akureyri.á
KENNARAR OG UMSJËNARMENN
Birgir Gu­mundsson, Hjalti ١r Hreinsson, Sigr˙n Stefßnsdˇttir