30.000 ára vírus fannst í sífreri í Síberíu.

 

Pithovírusinn er ekki dauður, hann sýkir ennþá, svo að það mætti segja að vírusinn hafi verið vakinn upp frá dauðum. En það jákvæða við þetta, segja vísindamennirnir tveir, að vírusinn sýkir ekki mannfólk. 

 

En það neikvæða við þetta er það að Claverie bendir á það að ef að fundur verður á svona stórum vírus sem þessum, þá er mikil hætta á því að það séu ótalmargir vírusar sem enn leynast í óbráðnuðum ís og að með hnattrænni hlýnun þá muni fleiri vírusar láta á sér kræla. Jafnvel vírusar sem að geisuðu yfir á tímum Neanderdalsmannsins gætu litið dagsins ljós aftur og til að nefna fleiri dæmi þá gæti bólusótt, sem er bráðsmitandi vírus, farið aftur út í andrúmsloftið.

 

Vísindamenn staðfesta að þetta verði að rannsaka mikið frekar og ítarlegra og rannsóknaraðilar eru að skoða frosin DNA frá ýmsum stöðum til að rannsaka hvort að það séu vírusar og ýmislegt í sambandi við þá sem að leynast í frostinu.