Plain Vanilla í samstarf við Google

Íslenska leikjafyrirtækið Plain Vanilla gaf á dögunum út nýjan spurningaflokk í vinsæla spurningaleiknum QuizUp og hefur hann hlotið nafnið Heimurinn að ofan. Er þetta í fyrsta skipti sem að Plain Vanilla fer í samstarf við annað fyrirtæki og er það við engan annan en bandaríska tölvurisann Google. Spurningaflokkurinn er tengdur við Google Maps sem er leitarvél og gefur fólki meðal annars möguleikann á því að leita eftir götum, borgum, fyrirtækjum og fleiru á alheimsvísu í gegnum veraldarvefinn.

Spekúlantar telja að samstarfið gefi til kynna nýja tekjuleið fyrir Plain Vanilla þar sem fyrirtæki og vörumerki geta kynnt vörur sínar í gegnum mismunandi spurninga flokka.  

Það verður spennandi að fylgjast með næstu skrefum hjá Plain Vanilla.