Veðurfréttamaður fipast

Í kvöld átti nokkuð athyglisvert atvik sér stað á meðan að fluttar voru veðurfréttir á Ríkissjónvarpinu skömmu eftir kvöldfréttir. Eins og oft áður voru veðurfréttirnar teknar upp fyrirfram, en venjan er að þær eru svo klipptar saman og sýndar í heild sinni. Svo virðist sem að vitlaus upptaka hafi farið í loftið eftir fréttir núna í kvöld, en þar sést veðurfréttamaðurinn glaðlyndi, Einar Magnús Einarsson, fipast örlítið við upptöku fréttanna og slá niður hendinni að hermannasið á meðan hann brosir í myndavélarnar. Þetta skondna atvik hefur nú þegar verið dreift þónokkuð á facebook síðum landsmanna en þennan óhefðbundna veðurfréttatíma má sjá nánar hér.