Landpósturinn

Næstkomandi laugardag, þann 6. mars milli kl. 17:30 og 19:30 verður opið hús í skautahöllinni á Akureyri og verður það á vegum fólks sem æfir íþróttina krullu. Allir eru velkomnir að koma og prófa íþróttina og fá leiðsögn við rétta tækni. Það eina sem fólk þarf að hafa með sér eru hreinir og stamir íþróttaskór og betra er að vera í íþróttafatnaði.

Þeir sem mæta fá að prófa spila leiki og fá góða leiðsögn, í fréttatilkynningu á www.sasport.is/krulla kemur fram að fólk sem mæti þurfi að vera undir það búið að falla fyrir íþróttinni og þar af leiðandi fara að æfa hana. Æfingar eru reglulega í skautahöllinni og eru þær á mánudags- og miðvikudagskvöldum. Þeir sem hafa áhuga á íþróttinni geta mætt þessi kvöld og spilað á lausum brautum eða bara fylgst með hinum spila.

Um þessar mundir stendur íslandsmótið sem hæst og er fjórum umferðum ólokið og því er hörð barátta um hvaða fjögur lið fara í úrslitin. Næsta umferð í mótinu er 8. mars og síðan er það 10. 15. 17. og 22. mars en úrslitakeppnin sjálf verður svo 26. og 27. mars. Þeir sem hafa áhuga á íþróttinni geta kynnt sér hana hér.