Oprah lætur gott heita
Erlent - föstudagur 20.nóvember 2009 12:21 - - Lestrar 30 - Athugasemdir (0)
Spjallþáttadrottningin leitar á ný mið
Oprah Winfrey, einn ástsælasti þáttastjórnandi Bandaríkjanna og jafnvel heimsins mun setjast í helgan stein eftir að hafa birst í hart nær aldarfjórðung í sjónvarpinu með þátt sinn, The Oprah Winfrey show, en samningur hennar við ABC sjónvarpsstöðina rennur út árið 2011.
Þó er ekki alveg víst að hún hætti algerlega í sjónvarpsiðnaðinum, en margir telja að hún muni einfaldlega hætta með þáttinn á sjónvarpsstöðinni ABC og færa sig yfir á nýja stöð sem að framleiðslufyrirtækið hennar er að setja á stokk, en það ber heitir OWN, eða the Oprah Winfrey Network.
Sjálf hefur Oprah oft sagst ætla að hætta, fyrst árið 1997, en ákvað að halda þá áfram til 2002. Eftir áframhaldandi vinsældir ákvað hún svo að framlengja samningi sínum til 2011.
Oprah hefur síðustu ár malað gull og metur Forbes hana á um 2,7 milljarða dollara og er hún í 260. sæti yfir auðugustu Bandaríkjamennina.
